追蹤牛頭人

＊以下內容含血腥與裸奔成份，敬請心智未成熟者迅速迴避！

．以下是小弟在十月一日發生的事。

國慶當天，小弟洗澡時，玻璃突然爆掉！
玻璃碎如雨下，割出多道傷口，呆。|_|。
定神一看，已滿地玻璃碎片，雙手在流血。

「血啊！死梗啦！」
看著一地玻璃碎，赤身露械的我，頓感在玩「恐懼鬥室」。

腦中響起驚典對白...
「你會為生命留多少血？是生，是死，做個選擇吧！」

心想：(真的要殺出一條血路嗎？)

？？：咩事咁大聲啊？
對了！父親在家，有救了。

我：爸爸，救命啊。玻璃爆o左，我出唔到o黎啊。
爸：門鎖了。
我：等一下。(開門要緊，多流一會死不了)
爸：嘩！成地都係玻璃碎啊！
我：係啊，玻璃爆o左吖嘛。唔好講啦，救o左我出o黎先。

爸爸掃了一會玻璃後，便拿了對拖鞋過來。
真聰明啊！為何我想不到。

成功逃出後，便想飛的去醫院。

爸：仔，快Ｄ去醫院啦。
我：爸，你想裸跑啊？

穿好褲子後，便準備出門去求診了。
我：等一陣，好似忘記o左o的o野？
爸：o下？
我：爸，同我影張相先，唔係保險公司當我老作。
(如果死唔去，當然要申請保險金，唔係供o黎托啊。)

最後，小弟縫了六針。雖視線曾一道變白，但未死得。
今天，仲可單手打字。(傻啦，死o左就係鬼故啦。)

今分享此事，是想各位朋友也注意廁所的玻璃，免得不必要的傷害。

＊以上故事全屬事實，如有類同，實屬不幸。
　願大家平安，小心浴室玻璃。